ILOILO CITY — Ginapapundo makarun it Iloilo City Government ro pagpatigayun it clinical trial it covid-19 vaccine sa Iloilo City.
Raya hay bangud owa segun nakaangkon it koordinasyon ro daywa ka doktor ag ro Chinese Pharmaceutical company agud turukan it bukon pa it aprubadong bakuna ro mga residente it syudad.
Nasayuran nga 600 ro target respondent it kada doktor kung siin pagataw-an raya it P20,000 kada mabakunahan nga tawo o kabilugan nga P12 million.
Ginasugid nga ginabayaran it P5,000 ro kada respondents sa clinical trial kung maturukan eon it full doses it covid-19 vaccine. / ANN DESLENE SALAZAR
