Uman nga iga patuman ru demolition sa 25+5 easement rule sa Boracay sa 50 kab-eayan ag istraktura matapos nga eomabag sa mga sueondanan.
Suno sa Boracay Inter-Agency Task Force (BIATF), iga patuman nanda ano mang oras bago matapos ru andang termino sa Hunyo sa masunod nga dag-on.
Apektado it demolisyon ru residential owners sa Sitio Malabunot, Barangay Manocmanoc sa isla’t Boracay.
Gin paliwanag man it BIATF nga uwa sanda ga basta-bastang magpa halin sa mga violators kun uwa it relocation area ag financial support.
Sa makaron, abo pa gihapon nga pending infrastructure development para sa phase-4 road widening it DPWH.//MARIVIC Y.ILIN
