Owa it na-monitor nga problema o nabatun nga reklamo halin sa mga ginikanan ag learners ro Department of Education (DepEd) Region VI, kadungan it pagbukas it klase ku Setyembre 13, 2021.
Base sa pamunuan it DepEd Region VI, padayun ro blended learning system it mga pamatan-on kung siin, pabor sa pagpatigayun it online class ro iba nga may internet connection samtang ro iba hay mas pabor sa modular learning method.
Base sa andang Basic Education Learning Continuity Plan, gintun-an nanda it mayad ro mga paagi agud indi makompromiso ro pagtuon it mga estudyante sa tunga it COVID-19 pandemic.
Padayun man ro assessment it DepEd para mapabaskug pa ro pagtuon it learners. / ANN DESLENE SALAZAR
