Padayon karong gitun-an sa Land Transportation Franchising and Regulatory Board ang posibleng pagpahigayon og vaccination bubble sa mga pampublikong sakyanan.
Ang vaccination bubble nagtumong nga lahion ang biyahe sa mga nabakunahan na kadtong wala pay bakuna.
Sumala kang Nonito Llanos III, regional director sa LTFRB XI, kini suhestyon sa LTFRB-Central Office ug wala pa kini gipatuman sa bisan asang bahin sa nasud.
Sayod ang opisyal nga kinahanglan pa kini og dugang pagtuon sanglit hugot nga koordinasyon ngadto sa mga lokal nga panggamhanan ang himoon ilabi na nga managlahi ang stratehiya sa nagpadayong vaccination program. BNFM-DAVAO
