Gisugdan na ang pagpabakuna batok COVID-19 sa mga essential frontline workers sa tibuok region-12
Pinaagi sa regional vaccination operation center kun RVOC advisory number 171 ug 174 gitahasan ni DOH-12 regional director Dr. Aristedes Tan ang mga provincial ug municipal health offices nga sugdan na ang pagpabakuna sa napili nga priority groups ilalom sa A4 o mga frontline workers sa essential workers category.
Partikular nga mauna segun sa guidelines mao ang mga essential workers nga anaa sa commuter sector ug mga public ug private vendors.
Tungod limitado lang ang suplay sa bakuna mauna nga bakunahan sa maong sektor ang mga anaa sa edad 40 hangtud 59-anyos ug sundan sa mga anaa sa 18 hangtud 39-anyos. Hugot usab nga ipatuman ang ‘no masterlisting, no vaccination’ policy.
