GIKOMPIRMA ni Philippine Medical Association Gensan President Dr. Butch Peñamante nga posibleng aduna nay nakasulod nga Delta Variant sa syudad sa Gensan.
Basi matud pa kana sa impormasyon nga gipahayag sa Department of Health, diin ang Caraga Region na lang ang wala pay natala nga kaso sa COVID-19 delta variant sa tibook Pilipinas.
Sa tibook Rehiyon 12 anaa nay natala nga 7 nga kaso sa delta variant, lakip na niini ang natala nga kaso sa Sarangani Province basi usab kana sa kompirmasyon ni Gov. Steve Chiongbian Solon.
Mokabat na sa 30 percent ang nabakunahan sa Gensan, ug nagapadayon sa gihapon ang vaccination roll-out sa syudad aron maabot ang 80 percent nga target herd immunity. ( Enamie Mogpon)
