BICOL – LIWAT na nagpatanid ngunyan an Department of Health o DOH-Bicol katakod kan peligrong hatod kan man iba ibang klase nin food and waterborne diseases sa salud kan tawo.
Sa isinagibong media dialogue liwat na pigdiskutir kan departamento an mga sintomas asin paagi kun papaano makakaibitar sa man iba ibang helang na dara kan mga pathogenic microorganism na nakukua sa pagkonsumo kan kontaminadong pagkakan asin tubig.
Segun ki Maria Francia Genorga, Food and Waterborne Dieases Program Coordinator kan DOH-Bicol, nagkapira sa mga diarrheal diseases na pwediser na makua sa pag inom o paggamit nin kontaminadong tubig iyo an Dysenteria, Hepatitis A, Rotavirus, Acude Bloody Diarrhea asin nakakagadan na Typhoid Fever asin Cholera.
Nagkapira soboot sa mga sintomas na dapat bantayan iyo an pagkakaigwa kan pasyente nin kalintura , pagkawara nin gana sa pagkakan , pagsusuka, pagkulog nin tulak asin pagbabawas.
Dugang pa kaini, delikado an nabanggit na mga sintomas kun dai tulos mareremedyuhan nin huli ta an siring soboot na pagbabawas na pwediser na makaubos sa fluids asin electrolytes sa hawak an magresulta sa malalang kaso nin dehydration.
Katakod kaini liwat na pinagiromdoma ni Genorga an publiko na siertuhon na malinig asin an mga tubig inumon siring man an mga pagkakan.
Soboot engkaso tamaan nin siring na kamatean,tulos na magpasiring sa health center tanganing ma assess asin matawan nin bolong asin atensyon medikal.
Pagiromdom pa kaini, an food asin waterborne diseases iyo an seryosong huma sa salud kan tawo asin kun dai soboot maagapan pwediser na magresulta sa seryosong helang o kagadanan
