Target ng France na makapag-administer ng third shot ng COVID-19 vaccine sa tinatayang 18-million na tao sa maagang bahagi ng 2022.
Ito ay matapos irekomenda ng health advisory body ang booster shot para sa mga tao na edad 65-pataas at para sa iba pa na may existing medical conditions na kinkonsidera bilang at risk.
Sinabi ng HAS na nakikita nila ang booster shots bilang genuine health requirement para mapalawig ang proteksyon na ibinibigay ng bakuna, tulad ng makikita sa ilang pag-aaral.
Umaasa naman ang gobyerno ng France na matatapos ang 12.4-million booster shots sa katapusan ng 2021, at ang natitira sa maagang bahagi ng 2022.
Matatandaan na sinabi ng World Health Organization na inconclusive pa ang datos sa third shots ng COVID-19 vaccine.
Hiniling rin ng WHO na matigil ang pagbibigay ng booster shots at sa halip ay pagtuonan na lamang ang pagbibigay ng bakuna sa mga mahihirap na bansa.
