NAKLAROHAN na ni Malungon Mayor Atty.Tessa Constantino nga gikan sa source ang pag-report sa Brigada sa Delta variant sa COVID-19 nga natala sa iyang lungsod.
Mismo si Kapitan Edna Tuanson sa Brgy.Nagpan, Malungon,Sarangani Province, ang nagkumpirma nga gi-kwarantina ang nahisgutang kaso sa Delta variant ug nasayod na daw niini ang ilang mayor.
Sa bahin ni Mayor Constantino, dili otorisado sa paghatag og report kalabot sa COVID-19 ang barangay apan bugtong lang siya ug DOH.
Nagtuo pa kini sa sinugdanan nga unverified ang maong report, apan sa pagpaklaro kaniya nga dili ang Brigada nagsulti niini, inay ang mismong kapitana, didto na nasabtan ang tanan.
Una niini mismo si Sarangani Gov. Steve Chiongbian Solon nagkumpirma sa kaso sa Delta variant sa Sarangani apan anaa na daw kini sa pag-recover ug nakakwarantina.
