GIKUMPIRMA ni Sarangani Province Gov. Steve Chiongbian Solon nga nakatala ang probinsya og unang kaso sa Delta variant sa COVID-19.
Dungan niini, giklaro usab sa gobernador nga naka-quarantine ug naga-recover na.
Niadtong Agosto 3 pa na-test ug migawas ang resulta sa Philippine Genome Center human na sa kwarantina sa pasyente nga taga Malapatan.
Alayun niini, padayun ang panawagan sa mga Sarangan nga sundon ang mga health protocols.
Ang probinsya sa Sarangani adunay 598 ka aktibong kaso sa COVID-19.
