Ginpaidaeom makara hasta Setyembre 2 sa surgical lockdown ro ap-at nga mga panimaeay sa Barangay Tacas, Jaro Iloilo.
Raya hay matapos magpositibo sa COVID-19 Delta variant ro sambilog sa mga residente it nasambitan nga lugar.
Base sa datos ni Barangay Tacas, Jaro Punong Barangay Joseph Poral, ro nagpositibo nga indibidwal hay sangka 34-anyos nga call center agent. Sa presente, gindaea eun sa quarantine facility ro eaeaki.
Base man sa kapitan it barangay, uwa it travel history ro nagpositbo bangud naka-work from home raya.
Ginpaidaeom man sa RT-PCR test ro disi-sais nga mga close contact it call center agent./JIL B. LACSON
