Nagpadayun ang gihimong surprise random drug test sa mga empleyado sa city hall sa Dumaguete nga gipangunahan sa mga sakop sa City Health Office.
Kini nga serye sa mga sorpresa nga drug test nahiuyon sa kampanya sa administrasyon alang sa usa ka drug-free nga workplace.
Sa miaging mga tuig, daghang mga empleyado nga regular, kaswal ug Job Order ang gitangtang sa serbisyo pagkahuman nga nagpositibo sila sa pag-gamit sa iligal nga droga pinasubay sa proseso sa balaod.Ang mga kawani nga magpositibo pwedeng mopaubos sa rehabilitation program sa gobyerno,ug kung makompleto sa kawani ang programa pwede na silang dawaton pagbalik sa serbisyo.///Ariel Morro Amistoso
