KORONADAL CITY — UMABOT sa 201 na food packs ang naibigay ng local government unit ng Surallah sa mga residenteng isinailalim sa hard lockdown sa Villanueva Plains Subdivision, Zone 1, Barangay Libertad, Surallah, South Cotabato.
Mismong si Municipal Social Welfare and Development o MSWD Officer Rhoda Leaf Catoto ang nanguna sa pamimigay ng nabanggit na food assistance sa mga na-lockdown.
Sa kabila nito, marami din umanong mga private individuals ang nangakong magbigay ng tulong sa mga pamilyang apektado ng pitong araw na hard lockdown simula noong August 24 na magtatapos sa katapusan ng buwan.
Ipinatupad ang hard lockdown sa nasabing subdivision matapos naitala rito ang unang kaso ng delta variant ng Covid-19 sa nabanggit na bayan.
