KALIBO, AKLAN—Sa katuyuan nga mas pang mapabaskog do komunikasyon it mga kapulisan sa kabisera it Aklan, nagdonar do LGU Kalibo it kinse (15) ka mga 2 way communication radios para sa Kalibo Municipal Police Station.
Do nasambit nga donasyon suno kay Police Lieutenant Colonel Belshazzar Villanoche hay mabahoe kanda nga bulig eabi eon sa mga nagaduty nga personnel sa mga kabaranggayan.
Nasayuran nga do pondo sa pagbakae it hand held two way radios hay halin sa local budget kun sa siin handom it LGU nga magin epektibo do pagpatuman it katawhayan ag kaayusan sa banwa it Kalibo. // SHERRY ANNE REUNIR-VIDAL
