MALAY, AKLAN— Malicious Mischief Resulting to Damage of Public Property; Resistance and Disobedience Upon An Agent of Person In Authority/ Direct Assault Upon An Agent of Person In Authority ag Violation of Sec. 5 of RA 10586 (Driving Under The Influence Of Liquor).
Raya do mga kasong pagaatubangon it hilong nga drayber matapos nga umiwas sa border control point, sunggaban do checkpoint signage it Malay MPS, sipaon ag singgitan do mga pulis nga nagabantay ag ginhangkat pa it baeaywan.
Sa imbestigasyon it Malay MPS, ginpapondo it mga pulis do saeakyan nga van nga ginamaneho ni Cornelio Sim y Lambinao, 56 anyos ag residente it Brgy. Alegria, Buruanga, Aklan sa border control point sa bahin it Brgy. Kabulihan, Malay, Aklan apang imbes nga magpondo hay ginpaharorot kara do saeakyan at sinunggaban pa do check point signage it PNP.
Gin-eagas it mga pulis do saeakyan nga padueong sa direksyon it Buruanga ngani nga gin-alarma eagi do sa border control point it Buruanga PNP sa Brgy. Mayapay ag natigayon nga naharang do suspek.
Samtang, sa pagpapanaog kara sa saeakyan hay nataeopangdan nga una sa impluwensya it makahieilong nga ilimnon do suspek kun sa siin kat ginaaresto eon kunta raya hay ginsipa, sininggitan ag hinangkat pa nana it baeaywan do mga pulis.
Matapos maaresto hay gindaea raya sa Malay District Hospital para ipa-medical bago ginbueo it mga dugang nga detalye para sa kasong pangatubangon kara. // SHERRY ANNE REUNIR-VIDAL
