Nadawat na sa mga pamilyang Cabadbaranon kinsa biktima sa bagyong Auring ang ayudang pinansyal gikan sa Department of Social Welfare and Development (DSWD) sa nakalabay’ng adlaw.
Sumala ni Roselyn Exaure, ang tigpamaba sa Cabadbaran City LGU, mokabat sa kinatibuk-ang 1,096 ka mga pamilya ang nakadawat sa tag – P3,000 nga ayudang pinansyal.
Gawas sa kwarta, nakadawat usab matod pa ang mga nahisgotan og food packs, facemask, face shield, ug bitamina.
Mismo si Cabadbaran City Mayor Judy Chin Amante maoy nanguna pagtunol sa maong mga ayuda aron maseguro nga mahatag kini ngadto sa tinuod nga benepisyaryo.
DE Banate
