Desidido ang magulang ng isang walong taong gulang na batang babae na matukoy at mapanagot ang suspek na pumutol ng daliri sa kanilang anak.
Sa eksklusibong panayam ng Brigada News FM ay inilahad ni Merlyn Alicos, ina ng bata na pinutulan ng daliri sa Sitio Tagbarungis Brgy. Inagawan- Sub, Puerto Princesa City ang sinapit ng kanyang anak nitong August 19 ng tanghali matapos na putulin umano ang isang daliri ng kanyang anak.
Ayon kay Gng. Merlyn ina ng bata, mag isa lamang sa kanilang bahay ang kanyang anak nang mangayri ang insidente.
Kwento ng anak nito, isang malaking lalaki na nakasuot ng kulay itim na damit at nakabalot ang mukha ang pumasok sa kanilang bahay at hinahanap ang ama ng bata.
Sinabi ng kanyang anak na wala sa kanilang bahay ang ama nito at sinabihan pa umano na sinungaling ang biktima ng suspek bago ito pinutolan umano ng daliri.
