Nagapanawagan si Mr. Daniel Jarencio it Philippine Blind Union – Iloilo Chapter nga pasugtan eun ro mga blind masseurs o blind therapist nga makabalik sa andang mga trabaho kung ingkaso nga magbukas eun ro mga spa sa probinsiya it Iloilo.
Dugang pa nana, kung pasugtan sanda nga mag-operate, siguraduhon gid nanda nga magsunod sa mga health protocols. Handa man sanda nga magsuksok it PPE sa andang mga operasyon kung kinahangean.
Ro pahayag ni Jarencio hay kasunod sa pag-apela ni Iloilo City Mayor Jerry Treñas sa IATF nga pagasugtan nga mag-operate sa siyudad ro mga spa, gyms, ag fitness and wellness centers./JIL B. LACSON
