Ginkunfirmar ni Mansilingan Punong Barangay Rodolfo ‘Boy’ Pico yara sa maayo nga panglawason ang duha niya sini ka mga pumuluyo nga ginreport sang damlag lang sang UP-Philippine Genome Center positibo sa Delta variant sang Covid-19.
Suno kay Pico , lunsay recovered na ang duha kun sa diin Hulyo 15 sang gin-swab ang tatlo ka tuig nga bata nga lalaki kag nagpositibo sa Covid 19 samtang Hulyo 23 sang gin-swab ang 63 anyos nga ginang nga nagpositibo man sa corona virus.
Sandig sa Punong Barangay kasunod nabaton ang informasyon nahanungod sa pagpositibo sang duha sa Delta variant, iya ginmando ang pag-seal-off sang tagsa ka mga puluy-an sang mga natungdan nga pasyente.
Dugang pa ni Pico, nagapabilin nga normal ang pagsinalayo sang pumuluyo sa iya sini nga barangay kasunod naglupok ang nasambit nga balita kun sa diin ang barangay ang adlaw-adlaw kag wala untat nagapahanomdom sa pumuluyo ang pag-obserbar sa gihapon sang minimum health protocols bangud madamo sa gihapon ang mga nagapasaway.
