ILOILO CITY – Owa gali it ideya ro Department of Health (DOH-6) nga may mga medical workers sa Western Visayas nga nagaplano nga mag-resign sa tunga it pandemya.
Raya ro naging sabat it pamunuan it DOH-6 kaangot sa nakaabot kanda nga impormasyon nga may pilang medical workers sa Metro Manila ro nagaplano it resignation ag medical lockdown bangud sa isyu it Special Risk Allowance (SRA).
Internal segun ro nasambit nga isyu sa tunga it medical workers ag sa institusyon nga andang ginatrabahuhan.
Bangud kara, plano makarun it DOH-6 nga makipag-istorya sa heads it mga medical worker para istoryahan ro mga dapat ubrahon.
Nasayuran nga base sa joint circular it DOH ag Department of Budget and Management, ro mga eligible health workers hay pwedeng makabatun it SRA nga indi maglampas sa P5,000 kada buean. / ANN DESLENE SALAZAR
