Pulos mag-atubang sa kasong paglapas sa R.A 9165 Comprehensive Dangerous Drugs Act pof 2002 ang lima ka mga personalidad nga unang nadakpan sa hiniusang pwersa sa otoridad gikan sa usa ka drug den sa Purok 13, Sta. Cruz, Barangay San Miguel, Tagum City, Davao del Norte.
Una niini girumbo sa mga sakop sa PDEA XI Davao del Norte ug Davao de Oro Provincial kauban ang Davao Norte Police Provincial Office ug Tagum City Police Station ang drug den nga gipadagan sa target nga si Joel Talidano, 31 anyos.
Sumala kang PDEA XI Regional Director Aileen Lovitos, ang target positibong napalitan og shabu balor P10,000.00 samtang naabtan usab sa drug den ang upat ka parokyano nga naaktuhang nag pot session.
Giila ang mga nahisgutan nga sila si Paulino Bodiongan Jr., Anthoneth Manigo, Donnafe Membrillos ug Gilbert Francis Patiño.
Moabot unom ka sachets sa gituohang shabu nitimbang og 21 gramos ang nakumpiska sa otoridad nag mokantidad og
P315,000.00.BNFM-DAVAO
