Nagginukdanay ang kapolisan ug ang pasyente sa Southern Philippines Medical Center (SPMC) human niya gikarnap ang ambulansya sa Bansalan LGU nga naghatud og pasyente.
Una niini miabot sa SPMC ang ambulansya og magdiskarga na unta og sakay nga pasyente ang drayber dihang kalit gikabay-an ang drivers seat sa usa ka lalaking pasyente dayon gipadagan.
Naabot pa sa Panabo City, Davao del Norte ang ginukdanay sa mga pulis nga napugos sa pagpabuto aron muhunong apan nagmagahi og nipaturatoy hinoon.
Nadakpan ang suspek nga gibalik og admit sa SMPC human kini napusilan sa dughan samtang padayon ang imbistigasyon. BNFM-DAVAO
