Gilahos sa presinto sa Bunawan ug wala nakaabot sa iyang balay ang usa ka 28-anyos nga lalaki human nakuhaan og pakete sa iligal nga droga ang gisakyan niyang Hilux Toyota pick-up sa Lasang Checkpoint sa Brgy Lasang, Bunawan District, Davao City alas dose sa kadlawon kagahapon.
Sa report gikan sa Task Force Davao, giila ang suspek nga si Yahiya Anguso Abilosa, minyo nga residente sa Flores Village, Bangkal nga pasulod na unta sa syudad apan dihang gihiling sa mga sakop sa Bunawan PNP ug Task Force Lawin nakuha ang droga motimbang og .69 gramos mokantidad og P9,936.00
Kasong paglapas sa RA 9165 ang atubangon sa suspek nga gibilango karon sa Police Station 6.
Samtang gidayeg usab ni TF Davao Commander Col. Darren Comia ang mga sakop sa pagpatuman sa hugot nga inspeksyon sa Lasang chekpoit. BNFM-DAVAO
