Subra isa ka milyon ang nabiling damyos sa nahitabong sunog diha sa Cuizon Lodge, Narciso P. Reyes, Brgy. Taft, Surigao City kagabii.
Gikabutyag ni Fire Inspector Abel Dubduban, ang City Fire Marshall sa Bureau of Fire Protection (BFP) Surigao, mokabat sa P1,596,000 ang estimated damyos sa maong insidente.
Ang maong lodging house gipanag-iyahan ni Jurita Cuizon Asegurado.
Sa inisyal nga imbestigasyon, gikan matod pa sa isa ka kwarto nga dunay nag-check-in nagsugod ang sunog ug paspas mikaylap sa tibuok building.
Kasamtangan, di pa matumbok ang hinungdan sa maong sunog.
