Gisugdan na pagbakuna kontra sa COVID-19 sa mga senior citizen sa syudad sa Cagayan de Oro.
Una niini gipahibalo sa kagamhanang lokal sa syudad nga kadtong mga senior nga nakadawat og text, kalabot sa resulta sa ilang pre-registration, kadto sila ang mabakunahan.
Subay niini padayon ang panawagan alang sa kadtong wala pa naka-pre register nga mamahimo silang tabangan sa ilang pamilya o kabanay aron makarehistro sila sa online.
Una nang gibutyag ni City Health Officer Dr. Lorraine J. Nery nga karong Abril 29 ang tentative schedule nga gihatag sa Department of Health Region10 alang sa vaccine allocation sa mga senior citizens.
Kahibaloan nga gibana-banang moabot sa sobra 100,000 ka mga senior citizens ang target bakunahan sa syudad.
