KALIBO, AKLAN—Eomampas eon sa 9,000 mark do kabilugan nga kaso it coronavirus disease 2019 (COVID-19) sa probinsya it Aklan.
Base sa pinakaulihing datos nga ginapaguwa it Aklan Provincial Epidemiology and Surveillance Unit (PESU), nagaabot eon sa 9,260 do total confirmed cases sa probinsya as of August 5, 2021 matapos nga madugangan it 267 kahapon.
Sa nasambit nga numero, 54 kara hay halin sa banwa it Numancia, Kalibo nga may una nga 45 kaso, Malinao ag Ibajay nga may tag-38, New Washington (31), Batan (21), Altavas (11), Tangalan (10), Banga (5), Lezo ag Malay nga may tag-apat ag do mga banwa it Nabas, Balete ag Makato nga may tag-daywang kaso.
Do probinsya it Aklan hay nagapatuman sa makarun it mas hugot nga restrictions matapos nga ipaidaeom sa modified enhanced community quarantine (MECQ) umpisa ku Agosto 1, 2021. // SHERRY ANNE REUNIR-VIDAL
