GIPLANO sa LGU ang ‘upgrade’ sa nag-inusarang pampublikong ospital sa GenSan nga mao ang Dr. Jorge P. Royeca Hospital (DJPRH). Isip kabahin sa lakang sa siyudad aron batukan ang Covid-19 outbreak ug makuha ang uban pa nga medical requirements sa mga residente.
Matud ni Dr. Ryan Aplicador, Chief of Hospital sa DJPRH nagpadala sila og ‘letter of intent’ sa Department of Health- Central Office. Tumong sa lakang ang maatiman ang tanang mga pasyente nga mahidangat tungod dili pasyente sa GenSan ilang ginadawat.
Kung dili lakip ang mga pasyente gikan sa probinsiya sa Sarangani, South Cotabato ug Sultan Kudarat. Kasamtangan Level 1 hospital ang DJPRH nga dunay health care services, kung kini ang maka-upgrade. Mahimo na kining departamentalized, dunay intensive care unit,specialist doctors tertiary clinical laboratory, mobile X-ray equipment ug uban pa.
Sa karon nagpalit na ang ospital og mga ekepo nga rekisitos sa DOH aron makahimo sa pag-upgrade og level ang tambalanan. Usa sa plano sa pangulohan sa ospital ugaling maangkon ang Level 2 ang Level 3 na usab ang trabahaon niini.
Aron mahimo nang partner sa Mindanao State University (MSU) College of medicine alang sa pagbansay sa ilang medical students. Una nang, giangkon sa opisyal sa LGU nga tungod sa pagsaka sa kaso sa Covid-19 halos puno na ang ICU facilities dili lang sa DJPRH kung dili lakp sa ubang referral hospital. ( Richel Gubalani)
