NABAKUNAHAN na ang naa sa 12,000 ka trabahante sulod sa Fishport Complex sa Barangay Tambler, GenSan. Matud ni Paris Ayon, acting administrative services division chief sa Philippine Fisheries Development Authority (PFDA) gigamit nila sa vaccination drive sa Fishport.
Ang naa sa 10,000 ka vials sa Sinovac vaccine nga gihatag sa national government alang sa mga trabahante ug mga indibidwal sulod sa fishport. Nagsugod ang pagbakuna atong Hulyo 24 adlaw nga Sabado ug mahuman karong adlawa ang vaccination drive.
Apan padayon ang gihimong masterlisting sa PFDA sa mga tawo sulod sa port aron mahimong prayoridad sa sunod nga alokasyon sa bakuna. Una nang, gibutyag ni National Task Force (NTF) against Covid-19 Chief implementer Secretary Carlito Galvez Jr., nga angayang unahon ang pagbakuna sa mga trabahante sama sa fishport ug canneries. Aron masiguro nga dili maapektohan ang ekonomiya tungod sa Covid-19 dili lang sa GenSan kung dili sa tibuok rehiyon. (Richel Gubalani)
