Temporaryo nga gin suspende ru operasyon it LGU-Malinao, RHU, birthing facility agud maipatuman ru disinfection sa tanan nga mga opisina kahapon July 27-28.
Raya hay matapos makalista it pilang ka mga empleyado nga nag positibo sa COVID-19.
Sa FB Post ni Malinao Vice Mayor Wilbert Ariel Igoy, naga pangayo it pag pasaylo ru nasambit nga taeatapan sa inkonbenyente it publiko.
Sa makaron, naga-abot eon sa 90 nga aktibong kaso’t deadly virus, 24 kara ru bag-ong nailista nga aktibong kaso sa nasambit nga municipalidad.
Samtang, gin disinfect man ru Malinao Municipal Police Station matapos nga may pilang ka mga PNP personnel it Malinao ru nag positibo sa deadly virus.
Hinyo ni Igoy sa mga Malinaonon, mag stay at home ag mag sunod sa minimum health standards ag mag pabakuna it COVID-19 vaccine agud matapna ru transmission.//MARIVIC Y. ILIN
