ALERTO ang kapulisan ug kasundalohan sa General Santos City dungan sa ulahing State of the National Address (SONA) ni Pangulong Rodrigo Duterte sa Lunes (July 26, 2021).
Matud ni Col. Galileo Goyena, commander sa Joint Task Force (JTF) GenSan nga magpakatag kini og mga sakop atol sa SONA. Gibantayan sumala pa sa kasundalohan ang posibleng lakang nga himoon ang lawless element atol sa SONA.
Giangkon ni Goyena nga gilaoman nila ang posibleng pagpahigayon og lihok protesta sa pipila ka grupo sa dakbayan. Ubay- ubay sa sakop sa GenSan City Police Office (GSCPO) ang ipakatag ni PCOL. Gilberto Tuzon, director alang sa SONA.
Gibutyag ni Tuzon nga kasamtangan wala pa silay nadawat nga bahad kalabut sa SONA. ( Richel Gubalani)
