Sinalakay ng Cybercrime Division ng National Bureau of Investigation ang isang apartment building sa Bgy. Tejeros, Makati City, na pinaniniwalaang scam hub.
Pasado alas-11 kagabi nang ikasa ang operasyon kung saan 17 dayuhan na mga empleyado ang naaresto.
Ang 15 dito ay Chinese habang ang isa ay Taiwanese at ang isa ay Malaysian.
Ayon sa NBI, ang modus ay investment scam at cryptocurrency scam.
Narekober sa operasyon ang mga computer, cellphone, sim card, at mga script na ginagamit umano ng mga naaresto sa kanilang modus.
Napag-alaman rin na stay-in sa naturang apartment ang mga naarestong dayuhan.
Sa ngayon ay inaalam pa ng ahensya kung saang lugar nagmumula ang mga kliyente ng mga naaresto.
