Subling giawhag sa Department of Labor and Employment-XI ang mga employers sa Davao Region nga hatagan og pribiliheyo ug insentibo ang mga trabahante ilabi na sa pribadong sektor nga nagpabakuna ug gikatakdang bakunahan.
Sigon kang DOLE XI Assistant Regional Director Atty. Jason Balais, usa sa pwedeng itanyag sa mga employers ang transportasyon sa mga empleyado padulong sa vacinnation site, paghatag og bayad nga leave of absence gikan sa paid incentive leave aron daghan ang maaghat nga magpabakuna.
Gianaunsyo usab sa opisyal nga nagsugod na ang ahensya sa paglakip sa vaccination incentive ngadto sa gitanyag nga livelihood program.
Usa sa gitanyag karon ang P25,000.00 assistance pinaagi sa bicycle livelihood showcase apan limitado lamang ang slots niini sa pagkakaron ug bugtong mga fully vaccinated lang ang pwede maka-avail niini.
Naglaum ang opisyal nga madugangan pa ang slots aron mas daghang mga mamumuo ang makabenipisyo ug maengganyo sa vaccination drive sa gobyerno. BNFM-DAVAO
