Abanse na sa quarterfinals ang pambato ng Pilipinas para sa men’s single sculls na si Cris Nievarez.
Ito ay matapos masungkit ang 3rd place sa preliminary round sa naturang sports nang maitala ang 7:22.97 na oras.
Maliban kay Nievarez abanse na rin sa quarter finals ang Russia na nakakuha ng 2nd place habang nanguna naman ang Croatia sa Heat 5 ng rowing tournament sa Tokyo Olympics.
Magugunitang matapos maantala ng isang taon dahil sa COVID-19 pandemic, ay pormal nang binuksan ngayong araw ang pagdaraos ng Tokyo Summer Olympics.
