TAKDANG hatagan og pasidungog sa PNP ang police officer nga napatay atol sa operasyon sa Purok Masagana, Barangay Baluan, GenSan.
Sa impormasyon gikan sa Police Regional Office (PRO) 12 duna nay mandu si Brig. Gen James Gulmatico, OIC sa PRO-12 sa pagtunol og posthumously kang Patrolman Benjamin Difuntorum III.
Gawas sa award, tunolan usab ang pamilya niini og cash assistance. Una nang, gikasubo sa PRO-12 ang pagkamatay sa miyembro sa ilang police force dungan sa nahitabong shootout sa gikaengong mga miyembro sa gun for hire.
Kahibaloan nga namatay usab sa operasyon silang Jessie Semini alyas Bulldog ug Renato Alebio alyas Tagre sa maong lugar.
Si Semini ug Tagre ang gilambigit sa pagpusil-patay sa kang Didith Alejandria sa Barangay Calumpang nga rason sa gilusad nga hot pursuit operation sa kapulisan. I Richel Gubalani
