Inaprubahan ng Department of Agriculture (DA) ang pag-aangkat ng yellow onions o puting sibuyas.
Ayon kay Agriculture Secretary Francisco Tiu-Laurel Jr., tinatayang nasa 16,000 metriko tonelada ang dami ng aangkating sibuyas ng bansa.
Binigyang diin naman ng kalihim na magiging stable parin ang presyo ng puting sibuyas sa merkado sa kabila ng isasagawang pag-aangkat nito.
Kaugnay nito, hindi rin umano makakaapekto sa nakatakdang susunod na harvest season sa Marso hanggang Abril sa 2025 ang pagdating ng mga imported na sibuyas hanggang katapusan ng Disyembre.
Samantala, siniguro naman ng kalihim na nananatiling sapat ang suplay ng pulang sibuyas ngayon sa bansa.
