TANGGONG na sa San Isidro Police Station ang usa ka drayber human sa gihimong operasyon asa nakumpiska ang pusil ug gituohang shabu.
Giila sa rekord sa presinto ang dinakpan nga si alyas Michael, 46-anyos, minyo, residente sa Barangay Dadiangas Heights, GenSan.
Si alyas Michael, gikonsidera sa kapulisan nga Street Level Individual sa matang sa pagpamaligya og iligal nga droga.
Nasikop kini human napalitan og gituohang shabu sa alas-2:02 sa kadlawon Miyerkules. Nakumpiska sa operasyon ang tulo ka gagmay’ng putos sa gituohang shabu ug pusil nga walay igong dokumento.
Una nang, gibutyag ni Police Col. Nicomedes Olaivar Jr., director sa General Santos City Police Office (GSCPO) nga gipakusgan nila ang mga operasyon batok iligal nga droga. Tumong ang makonkuran ang kriminalidad nga nahitabo sa siyudad. Samtang kasong pagsupak sa Republic Act 9165 o Comprehensive Dangerous Drugs Act of 2002. I Richel Gubalani
