GIMANDUAN na sa labaw sa Police Regional Office (PRO) 12 ang tanang station commander nga pakusgan ang presensiya sa mga barangay, partikular na sa mga bukirong bahin o gitawag nga geographically isolated and disadvantaged areas sa rehiyon-12.
Kini dungan usab sa mandu ni Chief PNP Rommel Marbil ngadto sa tanang regional directors sa nasud.
Sa pamahayag ni Police Brig. Gen James Gulmatico, director sa PRO-12 tumong niini ang masiguro nga masolusyonan ang peroblema sa insurgency, lakip na ang pagpakunhod sa ihap sa krimen nga matala sa mga presinto sa kapulisan.
Gimando usab ang pagpakusog sa “Pulis sa Barangay” (RPSB) program gumikan nakita sa kapulisan kaniadto ang kaapekto niini sa anti-crime efforts nila.
