Naniniwala naman si Senador Win Gatchalian na mas maigi sana kung maagang naibalita ang pagkakapuslit ni dismissed Bamban Mayor Alice Guo sa bansa.
Kung maalala kasi – kinumpirma ng mga otoridad na matagal na nilang alam na nakalabas na ng Pilipinas sina Guo, pero hindi nila ito kaagad isinapubliko.
Ayon kay Gatchalian, bagamat naiintindihan naman nila na kailangan na munang i-validate ang naturang impormasyon – dapat ay na-inform din sila sa intel na ito.
Maaari naman daw kasi itong idaan sa executive session.
Ang dating tuloy – parang tinatago ng mga otoridad ang problemang nalusutan sila ni Guo Hua Ping at parang nais nila itong pagtakpan.
