BICOL—Bubuksan nang muli ng Civil Service Commission (CSC) Bicol ang aplikasyon para sa mga nais kumuha ng Fire Officer Exam (FOE), Penology Officer Exam (POE) at Basic Competency on Local Treasury Exam ( BCLTE) pero hindi sa lahat ng probinsya sa rehiyon.
Sa abiso ng CSC Bicol, tanging mga aplikante lamang mula sa lalawigan ng Albay ang tatanggapin para sa aplikasyon na magsisimula sa Lunes, July 26.
Istriktong ipatutupad ang apointment system upang maiwasan ang inter-zonal movements ng mga examinees base sa naging rekomendasyon ng Legazpi City Inter-Agency Task Force (IATF).
Para sa mas detalyadong gabay kung paano ang proseso ng aplikasyon, bisitahin ang http://ro5.csc.gov.ph/news…/871-examination-advisory2021.
Kailangang personal na isumite ng mga aplikante sa CSC Regional Office 5 sa Rawis, Legazpi City ang kanilang pinunang form kasama ang kumpletong mga requirements sa itinakdang oras at petsa ng kanilang appointment. || SLM
