Tiniyak ni Senador Win Gatchalian na tutukan nila nang mabuti ang naging pagtakas ni dismissed Bamban, Tarlac Mayor Alice Guo a.k.a. ‘Guo Hua Ping’ sa bansa.
Kasunod ito sa naging pahayag ni Senadora Risa Hontiveros sa kanyang manifestation kung saan isiniwalat niyang wala na sa Pilipinas si Guo dahil nakalipad na ito papuntang Kuala Lumpur, Malaysia at maging Singapore.
Samantala, maituturing namang ‘national and global shame’ ang di umano’y pag-alis sa bansa ni Guo nang walang trace na naiiwan.
Kasunod nito, nakatakdang ipatawag sa susunod na pagdinig ni Gatchalian ang mga airport authorities, Bureau of Immigration (BI) at Civil Aviation Authority of the Philippines (CAAP) upang maimbestigahan ito.
