Arestado ro sangka eaeaki ag anang live-in partner sa drug buy-bust operation sa Barangay Poblacion sa banwa it Libacao ku Sabado it gabii.
Ro nasambit nga operasyon hay ginpatigayun it Aklan Provincial Drug Enforcement Unit (PDEU) ag Libacao Municipal Police Station.
Nabakean ro mga suspek it sangka sachet it illegal nga droga kabaylo it P1,000 nga buy bust money. Bago ro buy bust operation hay gin-monitor it mga pulis ro illegal drug activities it nasambit nga street level individual (SLI).
Nakumpiska pa sa mga suspek ro sangka plastic sachet it suspected shabu ag drug paraphernalia.
Maga pangatubang ro daywa ka suspek sa kasong pag eabag sa RA 9165 o Comprehensive Dangerous Drugs Act of 2002. // ANN DESLENE SALAZAR
