Patay ang isang babaeng may kapansanan sa pag-iisip matapos itong hampasin ng martilyo ng kanyang sariling ama sa Barangay San Vicente, San Francisco, Quezon nitong Martes, Agosto 6.
Sa inisyal na imbestigasyon ng mga awtoridad, nagbalak umano ang biktima na paslangin ang kanyang ama nang mawala ito sa sariling pag-iisip kung saan doon na siya hinampas ng martilyo.
Ayon naman sa pinsan ng nasawi, madalas niyang naririnig ang biktima kapag inaatake ito ng sakit sa pag-iisip kung kaya siya ang nag-aalaga sa mga anak nito na pumapasok sa paaralan.
Sa ngayon, nakadetine na ang suspek na nahaharap sa kasong Parricide.
