Hindi nilubayan ng China Coast Guard ang barko ng Bureau of Fisheries and Aquatic Resources sa ilang bahagi ng West Philippine Sea na namahagi ng tulong sa mga mangingisdang Pilipino.
Mula Escuda Shoal, Patag at Lawak Island hanggang sa Recto Bank ay hindi lumayo ang CCG.
Nakabuntot din ang barko ng China hanggang sa makabalik sa Bataan ang mga barko ng BFAR.
Nag-radio challenge pa ang China sa Pilipinas.
Tiniyak naman ng Philippine Coast Guard at BFAR na hindi nito mapipigilan ang patuloy na pagbibigay suporta ng bansa sa mga mangingisdang Pilipino.
