Inamin ng Department of Public Works and Highways (DPWH) na malayo pa sa katotohanan ang completion ng flood management master plan sa Metro Manila.
Maaalalang sunud-sunod kasi ang kumalampag sa ahensya, matapos ang naranasang matinding pagbaha dahil sa nagdaaang mga bagyo at habagat.
Sa isang panayam, sinabi ni Public Works Secretary Manny Bonoan na wala pa raw sa 30% ang completion nito.
Aniya, marami pa raw kasing mga ‘components’ sa naturang master plan.
Mula raw nang pumasok ang adminsitrasyon ay halos wala pa talagang nasimulan.
Maaalalang ang naturang master plan ay higit sa isang dekada nang umiiral.
2012 nang maaprubahan ang P351-billion flood management plan.
