Daywa ka mga Aklanon nga nagpakita it tampad ag sinsero nga serbisyo publiko ro ginkilaea bilang regional winners sa 2024 Search for Outstanding Government Workers – Dangal ng Bayan Award it Civil Service Commission Region VI.
Raya hay sanday Dr. Daystar Sedillo, Municipal Health Officer, Local Government Unit of New Washington ag Mamerto Elier P. Iguiron, Head Teacher III, it San Isidro Elementary School, DEPED Aklan.
Ginpanginbulahan man it Aklan Provincial Government ro daywa ka mga Aklanon sa andang naangkon nga pasidungog. // ANN DESLENE SALAZAR
