All-set na rin ang Armed Forces of the Philippines para sa ikatlong State of the Nation Address ni Pangulong Ferdinand Marcos Jr. sa Lunes.
Ayon sa AFP, humigit-kumulang 500 tauhan nito at dalawang armored vehicles ang ide-deploy bilang suporta sa Philippine National Police.
Magiging katuwang ng PNP ang AFP sa pagtiyak ng isang ligtas at mapayapang SONA ng Pangulo.
Iginiit ng Sandatahang Lakas ng Pilipinas na nakahanda silang pangalagaan ang katatagan ng bansa.
Maaalalang, nasa 23 libong mga tauhan ng PNP ang nakahandang magbigay ng seguridad sa SONA.
