LEGAZPI CITY – Dakop an 36 anyos na lalaki na pibistong si alyas Tomas sa isinagibong drug buy bust operation kan nakalihis sanang aldaw sa P1, Barangay Calayucay, banwaan nin Sto Domingo, Albay.
Segun sa report, kuminagat sa paon an nasambit na suspetsyado kan pabakalan kaini an poseur buyer nin sarong sachet na pinagtutubudang shabu, asin kan magkaabotan na ini nin drug items asin buy bust money, tulos ng inarestar an nasambit na suspek.
Nakua pa saiya an tulong pidaso nin plastic sachet na pigtutubudang shabu asin non drug items. Sa ngunyan, presente nang nagtitinir an suspek sa kostudiya nin pulisya para sa magkakanigong disposisyon.
