Inabisuhan ng Department of Foreign Affairs (DFA) ang publiko sa pagkaantala ng release ng mga pasaporte.
Ayon sa DFA, ang mga aplikasyon ng pasaporte noong mga nakaraang linggo ay naapektuhan ng system downtime dahil sa maintenance works na isinagawa ng service provider, na APO Production Unit, Inc. (APO).
Kaya naman, asahan ang ilang araw na pagkaantala sa paghahatid at pagpapalabas ng mga pasaporte.
Nakikipag-ugnayan na ang DFA sa APO upang matiyak at mapanatili ang maayos at magandang serbisyo sa publiko.
Humihingi rin ng paumanhin ang DFA para sa anumang abala na maaaring idulot ng system downtime. (BRIGADA INTERN ANGELA BRAZAS)
