KALIBO, AKLAN—Nagpositibo sa coronavirus disease do sangka pari nga naka-assign bilang miyembro it Team Ministry it St. Joseph the Worker Parish Church sa banwa it Numancia, Aklan.
Base sa ginpaguwa nga public announcement it Diocese of Kalibo, si Rev. Father Ritche Sarabia hay nakaangkon it close contact sa sambilog nga miyembro it andang pamilya nga COVID-19 positive kung siin matapos masayuran nga positibo sa virus do kapamilya kara hay ginpaidaeom si Father Sarabia sa RT-PCR test ag na-diagnose nga positibo sa nasambit nga deadly virus.
Ginpaidaeom man sa swab test do nakasalamuha kara nga pari ag religious sister nga anang kaibahan sa nasambit nga parokya ag tanan man do mga raya hay nagnegatibo sa virus.
Angot kara, ginpadumdom do tanan nga naging close contact ni Father Sarabia nga kung may naeksperensyahan nga sintomas it COVID-19 hay insigida nga magpakonsulta sa doctor. // SHERRY ANNE REUNIR-VIDAL
