Daina E. Gerona
Ginahulat sang halos tanan sa karon sa probinsiya sang Negros Occidental ang State of the Provincial Address (SOPA) ni Governor Eugenio “Bong” Lacson nga natalana sa pala-abuton nga bulan sang Agosto.
Sa pagklaro ni Atty. Alberto Nellas Jr., Provincial Legal Officer kag acting provincial administrator, nga sa karon wala pa sang final nga petsa ko nano nga adlaw sa nasambit nga bulan ang SOPA sang gobernador.
Samtang ginapsiguro nila sini ang “something new” kag “something vibrant” nga mangin balantayan sang tanan lakip na diri ang mga nabag-o, nagdugang, kag mga on going nga proyekto sa 32 ka mga syudad kag banwa sa probinsiya sa nagkalain-lain nga sector kaangay sang agrikultura, infrastruktura, scholarship program kag food security assistance.
Ginpasalig man ni Nellas nga mangin “straight to the point” ang SOPA ni Lacson kag wala na sang iban pa nga laboy-laboy.
